Պրոֆեսիոնալ ֆուտբոլիստների ասոցիացիան (PFA) հրապարակել է Պրեմիեր Լիգայի տարվա խորհրդանշական հավաքականը, որտեղ մեծամասնությունը «Լեսթերից» և «Տոտտենհեմից» են։
Պրեմիեր Լիգայի առաջին երկու ակումբները, որոնք այժմ պայքարում են չեմպիոնության համար, ներկայացված են չորսական ֆուտբոլիստներով։ Խորհրդանշական հավաքականում «աղվեսներից» տեղ են գտել Ուես Մորգանը, Նգոլո Կանտեն, Ռիյադ Մահրեզը և Ջեյմի Վարդին, իսկ «Տոտտենհեմից» ներկայացված են Տոբի Ալդերվեյրելդը, Դենի Ռոուզը, Դելե Ալին և Հարի Քեյնը։
Հավաքականի դարպասապահը Դավիդ դե Խեան է՝ «Մանչեսթեր Յունայթեդից»։ Մեկական ֆուտբոլիստներ ունեն «Արսենալը» (Հեկտոր Բելերին) և «Վեստ Հեմը» (Դիմիտրի Պայե)։
