«Լիվերպուլի» ավագ Սթիվեն Ջերարդի կարծիքով Լուիս Սուարեսը կմնա ակումբում, եթե հաջորդ մրցաշրջանում թիմը հայտնվի Չեմպիոնների Լիգայում:
Սուարեսի դերը «Լիվերպուլում» հսկայական է: Սուարեսը խփել է ամբողջ թիմի գոլերի կեսը, և հենց ուրուգվայցին է մշտապես սպառնում մրցակցի դարպասին:
Այս պահին ակումբը գտնվում է մրցաշարային աղյուսակի 7-րդ հորիզոնականում, սակայն հույսեր ունի Չեմպիոնների Լիգայի ուղեգիր նվաճել: Ջերարդի կարծիքով միայն Չեմպիոնների Լիգայում հայտնվելը Սուարեսին կպահի թիմում:
-Գիտեմ, որ նա վերջերս է նոր երկարաժամկետ պայմանագիր կնքել: Գիտեմ, որ նա լավ է զգում այստեղ, և որ նա երջանիկ է: Բայց կարծում եմ՝ այս հարցին միայն նա կարող է պատասխանլ տալ: Միայն նա գիտի, թե ինչքան հեռու կարող են գնալ իր ցանկություններն ու ձգտումները: Հուսամ՝ մենք կանենք ամեն ինչ, որպեսզի հայտնվենք լավագույն քառյակում և հետևաբար որոշենք այս հարցը նրա փոխարեն:
Անկասկած, Լուիսը արժանի է Չեմպիոնների Լիգայում խաղալու: Յուրաքանչյուրն էլ դա պետք է ընդունի,- հայտնել է Ջերարդը: Liverpool Echo
