«Քուինս Պարկ Ռեյնջերսի» գլխավոր մարզիչ Հարի Ռեդնապը հաստատել է իր հետաքրքրությունները «Ֆուլհեմի» կենտրոնական պաշտպան Բրեդե Հանգելանդի հանդեպ:
31-ամյա նորվեգացու հանդեպ ունեցած հետաքրքրության մասին լուրերը հայտնվել էին դեռ անցած ամիս: «Ռեյնջերները» վստահելի կենտորանական պաշտպանի կարիք ունեն, քանի որ փետրվարին թիմից կհեռանա Ռայան Նելսենը, ով նշանակվել է «Տորոնտոյի» գլխավոր մարզիչ:
Ինչպես հայտնի է, Հանգելանդի գործող պայմանագիրը «Ֆուլհեմի» հետ կլրանա այս մրցաշրջանի ավարտին:
-Ինձ նրա խաղը դուր է գալիս, բայց կարծում եմ դժվար կլինի նրան ձեռք բերել: Ռայանը մեր թիմի իսկական լիդեր էր: Նրա հեռանալը մեծ կորուստ է,- ասել է Ռեդնապը: ESPN
