«Ֆուլհեմը» և «Վուլվերհեմպտոնը» բանակցություններ են վարում «Չելսիի» հետ՝ հարձակվող Արմանդո Բրոյային ձեռք բերելու համար։
Չնայած այն հանգամանքին, որ «Չելսիի» գլխավոր մարզիչ Մաուրիսիո Պոչետինոն բացահայտորեն խոսում է Բրոյային պահելու իր ցանկության մասին և նույնիսկ համեմատում Անգլիայի ավագ Հարի Քեյնի հետ, լոնդոնյան ակումբի ղեկավարները պատրաստ են Արմանդոյին զոհաբերել իրենց շահերի համար։
Բրոյայի վաճառքը կօգնի «Չելսիին» մնալ Ֆինանսական ֆեյր-փլեյի կանոնների մեջ և «կապույտներին» լրացուցիչ միջոցներ կտրամադրի հաջորդ ամառ բարձրակարգ հարձակվող ձեռք բերելու համար:
Ըստ Evening Standard-ի՝ «Ֆուլհեմը» և «Վուլվերհեմպտոնը» ներկայումս Բրոյայի համար լավագույն երկու հայցորդներն են, բայց երկուսն էլ հույս ունեն Արմանդոյի համար վճարել 35 միլիոն ֆունտից պակաս գումար, մինչդեռ «Չելսին» պահանջում է 50 միլիոն ֆունտ:
Սպասվում է, որ բանակցությունները կշարունակվեն մինչև հինգշաբթի: «Չելսին» պատրաստ է 22 ամյա ալբանացուն բաց թողնել նաև վարձակալության հիմունքներով՝ հետագա գնման դեպքում։
Հավելենք, որ Բրոյան այս մրցաշրջանում անցկացրած 19 հանդիպումներում խփել է ընդամենը 2 գոլ։
