Համաձայն talkSPORT-ի, իտալական «Ռոման» հետաքրքրվում է «Չելսիի» հարձակվող Դեմբա Բայով:
Բոլորովին վերջերս հռոմեական ակումբը «Սաութհեմպտոնին» վաճառեց հարձակվող Պաբլո Օսվալդոյին, իսկ այժմ էլ պատրաստվում է հրաժեշտ տալ Էրիկ Լամելային, ով տեղափոխվում է «Տոտտենհեմ»:
Այդ պատճառով էլ արդարացված է հարձակման գիծն ուժեղացնելու «Ռոմայի» ցանկությունը: Այստեղից էլ գալիս է հետաքրքրությունը դեպի Բան, ով այժմ «Սթեմֆորդ Բրիջում» ստիպված է մրցակցության մեջ մտնել ոչ միայն Ֆերնանդո Տորրեսի, այլև Ռոմելու Լուկակուի հետ:
Ինչպես հայտնի է, «Չելսին» ևս չի թաքցնում, որ մտադիր է ձեռք բերել «Մանչեսթեր Յունայթեդի» հարձակվող Ոուեյն Ռունիին կամ «Անժիի» հարձակվող Էտո’Օյին: Եթե դա տեղի ունենա, ապա «Ռոման» 28-ամյա Բային ձեռք բերելու մեծ շանսեր կունենա:
