«Տոտտենհեմ Հոտսպուրը» սեզոնի վերջին տնային խաղից առաջ իր մարզադաշտի մոտ կբացի որմնանկար՝ ի պատիվ հարձակվող Հարի Քեյնի:
«Խթանները» հրաժեշտ կտան իրենց երկրպագուներին առաջիկա շաբաթ օրը Տոտտենհեմ Հոտսպուր մարզադաշտում «Բրենտֆորդի» դեմ խաղով:
«Տոտտենհեմն» այլևս Չեմպիոնների լիգայի ուղեգիր նվաճելու շանսեր չունի, իսկ ընդհանուր առմամբ «խթանների» համար շատ անհաջող մրցաշրջան ստացվեց։ Բայց եթե երկրպագուները իրականում չեն կարող բողոքել որևէ մեկից, դա Քեյնն է:
29 ամյա Քեյնը կանոնավոր կերպով գոլեր է խփում և այժմ Պրեմիեր լիգայի այս մրցաշրջանում երկրորդ լավագույն ռմբարկուն է՝ 27 գոլով՝ զիջելով միայն «Մանչեսթեր Սիթիի» հարձակվող Էրլինգ Հոլանդին:
Բացի այդ, այս մրցաշրջանի սկզբին Քեյնը, ում պայմանագիրը ավարտվում է հաջորդ տարի, դարձավ «Տոտտենհեմի» բոլոր ժամանակների լավագույն ռմբարկուն:
Քեյնի ձեռքբերումները նշելու համար «Տոտտենհեմը» որոշել է ստեղծել հատուկ եռահարկ որմնանկար, որի աշխատանքները սկսվել է երկուշաբթի օրը։
Որմնանկարը կտեղակայվի Ուայթհոլ փողոցում, որը «Տոտտենհեմի» երկրպագուներին մետրոյի կայարանից մարզադաշտ է տանում:
Քեյնի կերպարը կհամալրվի «Harry Kane, he is one of our own» («Հարի Քեյն, նա մեր սեփականն է») մակագրությամբ, հայտնում է Evening Standard-ը։
Բացի այդ, «Տոտտենհեմի» նախագահ Դանիել Լևին վերջերս հույս է հայտնել, որ մի օր ակումբը Քեյնի պատվին արձան կկանգնեցնի։
