«Լիվերպուլի» ավագ Սթիվեն Ջերարդը հայտնել է, որ Լուիս Սուարեսին համարում է ավելի բարձրակարգ ֆուտբոլիստ, քան իր նախկին թիմակից Ֆերնանդո Տորրեսն է:
Չնայած «Արսենալից» կրած պարտությանը, «Լիվերպուլն» ընթացիկ մրցաշրջանում բավական լավ ֆուտբոլ է ցուցադրում և դրանում իր մեծ ներդրումն ունի Սուարեսը: Ջերարդը Սուարեսին համարում է լավագույն ֆուտբոլիստը, ում հետ երբևե խաղացել է նույն ակումբում:
-Լուիսը բաձրակարգ ֆուտբոլիստ է: Միակ ֆուտբոլիստը, ով «կարմիրների» մարզաշապիկով նրա նման ֆուտբոլ է ցուցադրել, դա Ֆերնանդո Տորրեսն է: Սակայն իմ կարծիքով, Սուարեսը Տորրեսից էլ է բարձր,- Ջերարդի խոսքերն է մեջբերում ESPN-ը:
