«Սուոնսին» ձեռք է բերել «Բոլթոնի» 24-ամյա հարձակվող Դավիդ Նգոգին: Այս մասին հաղորդում է ուելսյան ակումբի պաշտոնական կայքը: Գործարքի արժեքը գաղտնի է պահվում:
Ֆրանսիացու պայմանագիրը «Սուոնսիի» հետ կլրանա ընթացիկ մրցաշրջանի ավարտին: Նգոգն իր նոր թիմում նորամուտը կնշի արդեն երկուշաբթի օրը՝ «Ֆուլհեմի» դեմ խաղում:
Ավելացնենք, որ Նգոգը «Բոլթոն» էր տեղափոխվել 2011թ-ի օգոստոսին՝ «Լիվերպուլից»: Ընթացիկ մրցաշրջանում Դավիդը մասնակցել է 19 խաղի և դարձել 4 գոլի հեղինակ:
