«Մանչեսթեր Յունայթեդի» հարձակվողներ Ռոբին Վան Պերսին և Դենիել Ուելբեքը «Յոկոհամա Մարինոս» ակումբի հետ ընկերական խաղում վնասվածք են ստացել:
Վան Պերսին փոխարինվեց այդ խաղի ընդմիջմանը, որում «կարմիր սատանաները» պարտվեցին 2:3 հաշվով: Ռոբինի մոտ խնդիրներ կային մեջքի հետ կապված: Ինչ վերաբերվում է Ուելբեքին, ապա նրա մոտ խնդիրները կապված են աճուկի մկանների հետ:
Պարտություն կրելով երկու ընկերական խաղերում և կորցնելով երկու հարձակվողի, չունենալով հնարավորություն օգտագործել Ուեյն Ռունիին՝ «Մանչեսթեր Յունայթեդի» գլխավոր մարզիչ Դևիդ Մոյեսը լուրջ խնդրի առջև է կանգնել:
-Մենք մի քանի անհանգստացնող հարցեր ունենք: Վան Պերսին իրեն անհարմար էր զգում առաջին խաղակեսում և մենք որոշեցինք ռիսկի չգնալ: Նույն իրավիճակն էր նաև Ուելբեքի հետ,- MUTV-ին հայտնել է Մոյեսը:
Ավելացնենք, որ ուրբաթ օրը «Յունայթեդը» կխաղա «Սերեսո Օսակա» ակումբի հետ:
