«Արսենալի» ավագ Թոմաս Վերմալենը հույս ունի, որ մինչև այս ամսվա ավարտը շարք կվերադառնա:
Ամռան սկզբին 27-ամյա բելգիացին մեջքի վնասվածք է ստացել և մինչ այժմ վերականգնվում է: Վերմալենի վերադարձը խաղադաշտ սարերի հետևում չէ, և նա հույս ունի, որ կմասնակցի սեպտեմբերի 23-ին կայանալիք «Վեստ Բրոմվիչի» դեմ Լիգայի գավաթի խաղին:
-«Վեստ Բրոմվիչի» հետ խաղին մնում է մի քանի շաբաթ, և ես հույս ունեմ, որ կկարողանամ խաղադաշտ դուրս գալ այդ ընթացքում:
Ես չեմ կարող հստակ նշել, թե երբ կվերադառնամ, սակայն ես ամեն օր մարզվում եմ և շատ գոհ եմ, թե ինչպես են ընթանում գործերս,- The Sport Review-ին տված հարցազրույցում հայտնել է Վերմալենը:
