Չեմպիոնների Լիգայի 1/8 եզրափակչում «Ռեալի» հետ պատասխան խաղից առաջ «Մանչեսթեր Յունայթեդի» պաշտպան Նեմանյա Վիդիչը խոստովանել է, որ ցանկանում է Քրիշտիանու Ռոնալդուի վերադարձը «Յունայթեդ»:
Պորտուգալացի ֆուտբոլիստն այժմ հանդես է գալիս արքայական ակումբում: Նրա վերադարձի մասին գրում է միայն դեղին մամուլը, սակայն Վիդիչը չի հիասթափվում և ցանկանում է նորից խաղալ Քրիշտիանուի հետ նույն թիմում:
-Նա «Յունայթեդի» երկրպագու է և դեռ հետաքրքրվում է ակումբով: Այնպես որ չեմ զարմանա, եթե նա վերադառնա:
Չգիտեմ, թե ինչ մթնոլորտում է նա խաղում Մադրիդում, և հետևաբար, ես չպետք է այդ մասին խոսեմ: Ես միայն կարող եմ ասել, որ ինձ դուր է գալիս խաղալ նրա հետ: Ռոնալդուն հաճույք էր ստանում իր խաղից «Յունայթեդում»: Պարզապես հիանալի կլիներ նորից նրան տեսնել այստեղ,- հայտնել է Վիդիչը: The Telegraph
