«Չելսիի» հարձակվողական ոճի կիսապաշտպան Վիլլիանը կարծում է, որ «կապույտները» կարող են ընթացիկ մրցաշրջանում հաղթել Չեմպիոնների Լիգան։
Չորեքշաբթի երեկոյան Գուս Հիդինգի սաները կփորձեն հաղթահարել ՊՍԺ-ի արգելքը։ Փարիզում հանդիպումն ավարտվել էր դաշտի տերերի հաղթանակով (2։1)։
«Չելսիի» առաջ դրված խնդրի մասշտաբը չի անհանգստացնում Վիլլիանին։ Բրազիլիացին վստահ է, որ իր թիմը կարող է անցնել մինչև «Սան Սիրո» տանող ողջ ճանապարհը։
-Իմ կարծիքով մենք կարող ենք հաղթել առաջնությունը։ Այո, մեր համար հեշտ չի լինի, քանի որ փլեյ-օֆֆ փուլում թույլ թիմեր չկան։ Առաջին հերթին մենք պետք է անցնենք ՊՍԺ-ին և հետո մտածենք հաջորդ քայլի մասին,- ասել է Վիլլիանը։ Goal
