«Լիվերպուլի» կիսապաշտպան Տիագո Ալկանտարան «Արսենալի» դեմ խաղից առաջ անցել է լիարժեք մարզումների։
Տիագոն բաց է թողել «Լիվերպուլի» վերջին 10 հանդիպումները ազդրի վնասվածքի պատճառով, այդ թվում՝ պարտությունը «Մանչեսթեր Սիթիից», անակնկալ պարտությունը «Բորնմուտից» և անցած երեքշաբթի «Չելսիի» դեմ գոլազուրկ ոչ-ոքին:
Այնուամենայնիվ, 31 ամյա իսպանացին կարողացավ հինգշաբթի օրը միանալ թիմակիցներին՝ լիարժեք մարզում անցկացնելով:
Մարզմանը մասնակցել են նաև Լուիս Դիասը և Վիրջիլ Վան Դեյկը, ովքեր հիվանդության պատճառով բաց են թողել Սթեմֆորդ Բրիջ ուղևորությունը, հայտնում է Liverpool Echo-ն։
Սակայն հինգշաբթի օրը բացակայում էին Մոհամեդ Սալահը, Ջո Գոմեսը և Դիոգու Ժոտան։ Ենթադրվում է, որ նրանք պարզապես լրացուցիչ օր են ստացել հանգստանալու համար։
