Չորեքշաբթի երեկոյան «Քուինս Պարկ Ռեյնջերսը» քաղաքային իշխանություններից Լոնդոնի Ուորրեն Ֆարմ շրջանում նոր մարզաբազա կառուցելու թույտվություն է ստացել:
«Ռեյնջերները» մտադիր են երկու խաղադաշտով ժամանակակից մարզաբազա կառուցել: Նաև կկառուցեն մարզասրահ և հիվանդանոց:
«ՔՊՌ»-ն, ով գործնականում դուրս է մնացել Պրեմիեր Լիգայից, նախատեսել է մեծածավալ աշխատանքներ կատարել մոտակա ամիսներում: Սպասվում է, որ մարզաբազան պատրաստ կլինի 2015/16 մրցաշրջանի համար:
Ավելացնենք, որ ակումբը տարբերակներ է փնտրում նաև նոր մարզադաշտ կառուցելու համար:
