«Մանչեսթեր Յունայթեդի» և Անգլիայի ազգային հավաքականի պաշտպան Քրիս Սմոլլինգը հայտնել է, թե ինչ ակնկալիքներ ունի 2014 թվականի Աշխարհի առաջնության ընտրական փուլի Չեռնոգորիայի հետ խաղից:
-Հավաքականում փորձում եմ օգտագործել ինձ ընձեռնված յուրաքանչյուր հնարավորություն: Եվ ինչքան կարևոր է հանդիպումը, այնքան ավելի լավ է ինձ համար: Մենք տեղյակ ենք Չեռնոգորիայի ցուցադրած արդյունքներին և հասկանում ենք, որ հանդիպումը հեշտ չի լինելու:
Նմանատիպ արտագնա հանդիպումներում կարող ես և անհաջողության մատնվել, եթե լսես տրիբունաներին: Նրանք տանտերերի 12-րդ խաղացողն են: Մինչդեռ եթե մենք հանգստություն պահպանենք և ստիպենք չեռնոգորացի երկրպագուներին լռել, դա կլինի մեր առավելությունը:
Այս հանդիպումը մրցաշրջանի կարևորագույն հանդիպումներից մեկն է մի թիմի դեմ, որը հնարավոր է մեր գլխավոր մրցակիցն է խմբում առաջին տեղի պայքարի համար,- հայտնել է Սմոլլինգը:
