«Ֆուլհեմը» մինչև մրցաշրջանի ավարտը վարձակալեց «Արսենալի» կիսապաշտպան Էմանուել Ֆրիմպոնգին:
21-ամյա Ֆրիմպոնգը համարվում է «Արսենալի» սան: Գանայի հավաքականի ֆուտբոլիստը առաջ վարձավճարով հանդես է եկել «Վուլվերհեմպտոնում» և «Չարլթոնում»:
Ընթացիկ մրցաշրջանում Ֆրիմպոնգը մրցակցությունում զիջում էր Ջեկ Ուիլշերին, Աբու Դիաբիին, Աարոն Ռեմսիին և Թոմաս Ռոսիցկիին: Երիտասարդ Ֆրիմպոնգը դաշտ դուր գալու հնարավորություն չստացավ անգամ Միկել Արտետայի և Ֆրանսիս Կոկլենի բացակայության պարագայում:
Ինչպես հաղորդում է The Guardian-ը, «Ֆուլհեմի» գլխավոր մարզիչ Մարտին Յոլը հետաքրքրված էր «Տոտտենհեմի» կիսապաշտպաններ Թոմ Հադլսթոունի և Ջեյք Լիվերմորի ծառայություններով, սակայն Սանդրոյի վնասվածքից հետո Վիլաշ-Բոաշը հրաժարվեց վաճառել իր կիսապաշտպաններին:
