Պրեմիեր Լիգայի 30-րդ տուրի կենտրոնական հանդիպումը կայացավ Լոնդոնի «Էմիրեյթս» մարզադաշտում, ուր «Արսենալը» հյուրընկալել էր «Մանչեսթեր Յունայթեդին»։
«Զինագործները» 2 անապատասխան գնդակ ուղարկեցին «կարմիր սատանաների» դարպասը։ Հանդիպման հաշիվը 12-րդ րոպեին բացեց Գրանիտ Ջական, իսկ երկրորդ գոլը 11 մետրանոցից խփեց Պիեր Էմերիկ Օբամեյանգը։
Այս հաղթանակից հետո «Արսենալը»՝ վաստակած 60 միավորով մտավ լավագույն քառյակ։
Գոլեր․ Ջակա՝ 12ր, Օբամեյանգ՝ 69ր (11մ)։
