Պրեմիեր Լիգայի 30-րդ տուրի այսօրվա առաջին հանդիպումը կայացավ «Էմիրեյթս» մարզադաշտում, ուր «Արսենալը» հյուրընկալել էր «Ուոթֆորդին»։
«Զինագործները» վստահ հաղթանակ տարան սեփական հարկի տակ՝ 3 անպատասխան գնդակ ուղարկելով Էուրելիո Գոմեսի պաշտպանած դարպասը։ Գոլերի հեղինակ դարձան Շկոդրան Մուստաֆին, Պիեր Էմերիկ Օբամեյանգը և Հենրիխ Մխիթարյանը։ Հայ կիսապաշտպանն աչքի ընկավ նաև գոլային փոխանցմամբ։
Չնայած հաղթանակին, «Արսենալը» կշարունակի զբաղեցնել 6-րդ հորիզոնականը։
Գոլեր․ Մուստաֆի՝ 8ր, Օբամեյանգ՝ 59ր, Մխիթարյան՝ 77ր։
