Անգլիայի ազգային հավաքականը Բեռլինում ընկերական խաղ անցկացրեց Գերմանիայի ազգային ընտրանու հետ։
«Երեք առյուծները» կամային հաղթանակ տարան աշխարհի գործող չեմպիոնների նկատմամբ։ Երկու գոլ բաց թողնելուց հետո Ռոյ Հոջսոնի սաները երեք անընդմեջ գնդակ ուղարկեցին Մանուել Նոյերի պաշտպանած դարպասը։
Հյուրերից գոլերի հեղինակ դարձան «Տոտտենհեմի» ֆուտբոլիստներ Հարի Քեյնը և Էրիկ Դայերը, ինչպես նաև «Լեսթերի» լավագույն ռմբարկու Ջեյմի Վարդին։
Գոլեր․ Կրոս՝ 43ր, Գոմես՝ 57ր, Քեյն՝ 61ր, Վարդի՝ 74ր, Դայեր՝ 90ր։
