«Չելսիի» հարձակողական ոճի կիսապաշտպան Էդեն Ազարը ծնկատակի ջլի վնասվածքի պատճառով բաց կթողնի նվազագույնը երկու շաբաթ: Ազարն այդ վնասվածքը ստացել է Չեմպիոնների Լիգայի 1/4 եզրափակչում ՊՍԺ-ի դեմ խաղի ժամանակ:
23-ամյա բելգիացին արդեն առաջին խաղակեսում ստիպված լքեց խաղադաշտը՝ տեղը զիջելով Անդրե Շյուրլեին, ով դարձավ գոլի հեղինակ:
-Այդ վնասվածքը ծնկատակի ջլի հետ է կապված, սակայն ես չեմ կարող հասկանալ լրջության աստիճանը: Եթե անգամ այն լուրջ չլինի, ապա երկու շաբաթ նա չի կարող խաղալ,- «Չելսիի» գլխավոր մարզիչ Ժոզե Մոուրինյոյի խոսքերն է մեջբերում BBC-ն:
