«Մանչեսթեր Յունայթեդի» կիսապաշտպան Մայքլ Կարրիկը միանգամայն վստահ է, որ հաջորդ մրցաշրջանում իր թիմը պայքարելու է Պրեմիեր Լիգայի չեմպիոնության համար:
Նախորդ մրցաշրջանում չեմպիոն դարձած «Յունայթեդը» ձախողեց այս մրցաշրջանը` զբաղեցնելով միայն 7-րդ հորիզոնականը: Այժմ «կարմիր սատանաները» սպասում են նոր մարզչի գալուն, ով նոր թիմ պետք է կառուցի:
-Ակումբն անընդհատ առաջ է գնում: Դուք կարող եք ասել, որ սա նոր բանի սկիզբ է, քանի որ այս պահի դրությամբ հաջորդ մրցաշրջանում շատ փոփոխություններ են լինելու: Սպասենք և տեսնենք, թե ինչքան մեծ կլինեն այդ փոփոխությունները:
Հաջորդ մրցաշրջանում մենք պայքարելու ենք չեմպիոնության համար: Դա է մեր նպատակը: Մեզ չի գոհացնի լավագույն քառյակում տեղ գտնելը: Դրա համար չենք մենք այստեղ: Մենք պայքարելու ենք ամենաբարձր նպատակների համար,- ասել է Կարրիկը: Manchester Evening News
