«Նյուքասլ Յունայթեդի» դարպասապահ Թիմ Կրուլը ծնկի վնասվածքի պատճառով երեք շաբաթ չի կարողանա օգնել իր թիմին:
25-ամյա հոլանդացին այդ վնասվածքը ստացել է «Էվերթոնի» դեմ Պրեմիեր Լիգայի նախորդ տուրի խաղում, որում կաչաղակները պարտվեցին 0:3 հաշվով: Այս պարագայում Կրուլը չի խաղա «Սաութհեմպտոնի», «Մանչեսթեր Յունայթեդի» և «Ստոկ Սիթիի» դեմ խաղերում:
-Թիմն առաջիկա երկու կամ երեք շաբաթների ընթացքում չի կարողանա օգնել մեզ և նրա տեղը կզբաղեցնի Ռոբ Էլլիոթը,- Sky Sports-ին հայտնել է Ալան Պարդյուն:
Ավելացնենք, որ շարք վերադառնալուն մոտ է «Նյուքասլի» հարձակվող Լոիկ Ռեմին, ինչպես նաև պաշտպաններ Մաթյո Դեբյուշին և Դավիդե Սանտոնը:
