«Հալլ Սիթին» պաշտոնապես հայտնել է «Տոտտենհեմի» կենտրոնական պաշտպան Մայքլ Դոուսոնին գնելու մասին: Գործարքի ֆինանսական կողմի մասին ինֆորմացիա չի հաղորդվում:
Դոուսոնը 9 տարվա ընթացքում լոնդոնյան ակումբում 300-ից ավելի խաղի է մասնակցել: Մայլքլը «Տոտտենհեմի» ավագն էր, սակայն նա տեղ չգտավ ակումբի նոր մարզիչ Մաուրիսիո Պոչետինոյի խաղային պլաններում:
«Տոտտենհեմն» արդեն գործանական համաձայնության է եկել «Սևիլյայի» պաշտպան Ֆեդերիկո Ֆասիոյի տրանսֆերի հարցում, դրա համար 30-ամյա Դոուսոնը ստիպված լքեց «Ուայթ Հարթ Լեյնը»: Այսօր Մայքլը «Հալլի» հետ երեք տարվա պայմանագիր ստորագրեց:
