«Սուոնսի Սիթիի» հարձակվող Միչուն կկարողանա մասնակցել «Քարդիֆի» դեմ ուելսյան դերբիին, որը տեղի կունենա փետրվարի 8-ին:
Հիշեցնենք, որ նախորդ ամիս իսպանացի հարձակվողը վիրահատության ենթարկվեց: Այդ պահից Միչուն բաց է թողել Պրեմիեր Լիգայում իր թիմի 6 հանդիպում, որից 5-ում «կարապները» պարտվել են:
Սակայն, ինչպես հաղորդում է South Wales Evening Post-ը, Միչուի ապաքինումը հաջող է ընթանում և նրա վերադարձը հեռու չէ: Նա բաց կթողնի «Ֆուլհեմի» դեմ տնային և «Վեստ Հեմի» դեմ արտագնա խաղերը, սակայն կկարողանա փետրվարի 8-ին մասնակցել ուելսյան դերբիին:
-Ես ինձ անհամեմատ լավ եմ զգում: Ցանկանում եմ հնարավորինս շուտ վերադառնալ և օգնել թիմին,- ասել է Միչուն: