«Չելսին» ներկայացրել է 2015/16 մրցաշրջանի համար նախատեսված տնային խաղերի իր նոր մարզահագուստը՝ նոր հովանավորի պատկերանիշով:
Հիշեցնենք, որ Պրեմիեր Լիգայի չեմպիոնների նոր հովանավորը Yokohama Rubber-ն է: Այս կարգավիճակում ճապոնական ընկերությունը փոխարինում է Samsung-ին, որի հետ լոնդոնյան ակումբը համագործակցում էր 2005 թվականից:
Մարզաշահագուստի դիզայնը պատկանում է Adidas-ին, որն էլ կարել է այն: Ավելացել է նուրբ ուղղահայաց գծերը, որը վերջին 30 տարվա ընթացքում պարբերաբար հայտնվում է «ազնվականների» մարզահագուստի վրա:
Նոր մարզահագուստի հետ հայտարարվել է նաև նոր կարգախոսի մասին, որը հնչում է այսպես՝ «Եթե սա կապույտ չէ, ապա կդառնա» («If it’s not blue, it will be»): Վաճառքը կսկսվի հուլիսի 22-ից, իսկ Ժոզե Մոուրինյոյի սաներն այն առաջին անգամ կհագնեն հաջորդ օրը՝ «Նյու-Յորք Ռեդ Բուլզի» հետ խաղի ժամանակ:
