Պրեմիեր Լիգայի 9-րդ տուրի կենտրոնական և վերջին խաղը կկայանա Լոնդոնի «Սթեմֆորդ Բրիջ» մարզադաշտում, ուր «Չելսին» կընդունի «Մանչեսթեր Յունայթեդին»։
Երկու թիմերն էլ այս պահին դուրս են լավագույն քառյակից և մրցաշարային աղյուսակում նրանց բաժանում է երկու միավոր, ինչը խաղն ավելի սկզբունքային է դարձնում։ «Ազնվականները» 16 միավորով 5-րդն են, «կարմիր սատանաները»՝ 14 միավորով զբաղեցնում են 7-րդ հորիզոնականը։
Երկու թիմերն էլ հաղթանակներով են մոտեցել այս խաղին։ «Չելսին» Պրեմիեր Լիգայի նախորդ տուրում 3 անպատասխան գնդակ ուղարկեց գործող չեմպիոն «Լեսթերի» դարպասը, իսկ «Մանչեսթեր Յունայթեդը» Եվրոպա Լիգայում 4-1 հաշվով հաղթեց «Ֆեներբահչեին»։ Խաղի գլխավոր ինտրիգներից մեկը կլինի մարզիչների դիմակայությունը՝ Մոուրինյոն ընդեմ Կոնտեի։
Այս երկու գրանդներն ընդհանուր առմամբ հանդիպել են 175 անգամ և առավելությունը մանչեսթերյան ակումբի կողմն է, որը հաղթել է միմյանց միջև կայացած խաղերից 72-ում։ 54 խաղ ավարտվել է խաղաղ ելքով և ընդամենը 49 խաղում են հաղթանակ տոնել լոնդոնյան ակումբի ֆուտբոլիստները։
Խաղը տեղի կունենա այսօր, Երևանի ժամանակով 19։00-ին։
Մեր կանխատեսումը՝ 2-1
