«Մանչեսթեր Յունայթեդի» գլխավոր մարզչի ժամանակավոր պաշտոնակատար Ռայան Գիգգսը վստահ է, որ հաջորդ մրցաշրջանում իր թիմը կպայքարի Պրեմիեր Լիգայի չեմպիոնության համար:
Նախորդ մրցաշրջանում «կարմիր սատանաները» վստահաբար վերցրեցին չեմպիոնական տիտղոսը: Սակայն այս մրցաշրջանում նրանք չկարողացան տեղ գտնել անգամ Եվրոպա Լիգայի գոտում: Գիգգսը, ով այդ պաշտոնում փոխարինել է ակումբից հեռացված Մոյեսին, չի կարծում, որ տիտղոսների համար իրենց լուրջ տրանսֆերներ են հարկավոր:
-Ո՛չ, չեմ կարծում: Մենք առաջնությունը հաղթեցինք նախորդ մրցաշրջանում: Դրանից մեկ տարի առաջ մենք տիտղոսը զիջեցինք գնդակների տարբերության պատճառով: Իսկ դրանից առաջ մենք կրկին հաղթեցինք:
Իսկ ո՞ր տեղում էր «Լիվերպուլը» նախորդ մրցաշրջանում: Յոթերո՞րդ: Ո՞վ կպատկերացներ, որ նրանք կլինեն այնտեղ, որտեղ այժմ եմ: Այդ պատճառով շատ բան կարող է փոխվել:
Ես վստահ եմ, որ այս ակումբում կան ֆուտբոլիստներ, ովքեր կարող են պայքարել չեմպիոնության համար: Մենք ունենք չեմպիոնության համար անհրաժեշտ ֆուտբոլիստներին,- Գիգգսի խոսքերն է մեջբերում ESPN-ը:
