75 ամյա Ռոյ Հոջսոնը վերադարձել է մարզչական աշխատանքին, որպեսզի ստանձնի «Կրիստալ Փելեսը» մրցաշրջանի մնացած հատվածում:
Անցյալ ուրբաթ «արծիվները» պաշտոնանկ արեցին Պատրիկ Վիեյրային, որի օրոք թիմը չի կարողացել հաղթել 2023 թվականի 12 հանդիպումներից ոչ մեկում:
Անհանգստանալով Պրեմիեր լիգայում իրենց դիրքի համար՝ «Փելեսը» որոշեց փոխել գլխավոր մարզչին՝ դիմելով թոշակի անցած Հոջսոնի օգնությանը:
Ռոյի նախորդ աշխատանքը եղել է «Ուոթֆորդում», որտեղ նա մարզել է 2022 թվականի հունվարից մինչև մայիս, երբ չկարողացավ կանխել «Ուոթֆորդի» անկումը Չեմպիոնշիփ։
Հոջսոնին Սելհարսթ Պարկում կօգնեն Ռեյ Լևինգթոնը և Փեդի Մաքքարթին, ովքեր գլխավորեցին թիմը անցյալ կիրակի «Արսենալից» կրած 3-1 պարտության ժամանակ:
Բացի այդ, սա կլինի Հոջսոնի երկրորդ շրջանը «Կրիստալ Փելեսում»: Ռոյը մարզել է «արծիվներին» 2017 թվականի սեպտեմբերից մինչև 2021 թվականի մայիսը, նախքան Վիեյրայի հայտնվելը:
