«Մանչեսթեր Յունայթեդի» նախկին հարձակվող Լուի Սաան կարծում է, որ «կարմիր սատանաները» չեն հաղթի Պրեմիեր Լիգան, եթե չկարողանան թիմում պահել դարպասապահ Դավիդ Դե Խեային: Սաան վախենում է, որ կորուստը կարող է շատ վատ ազդեցություն ունենալ «Յունայթեդի» վրա:
-Դե Խեային թիմում պահելը մեծ կարևորություն ունի: Երբ դու ունես լավ դարպասապահ, ով վստահ է իր ուժերին, դու ավելի քիչ ճնշում ես զգում: Դա շատ կարևոր է:
Չեմպիոնական թիմում դարպասապահը նույնքան կարևոր է, որքան հարձակվողը: Յունաքանչյուր մարզիչ կհաստատի սա: Եթե խնդիրներ կան դարպասապահի հետ կապված, ապա անհնար է հաղթել առաջնությունը,- ասել է Սաան: talkSPORT
Հիշեցնենք, որ իսպանացի դարպասապահին իր թիմում է ցանկանում տեսնել Մադրիդի «Ռեալը», որը պատրաստվում է լուրջ քայլեր կատարել այդ ուղղությամբ:
