Պրեմիեր Լիգայի 20-րդ տուրի կենտրոնական հանդիպումը կայացավ «Ուայթ Հարթ Լեյն» մարզադաշտում, ուր «Տոտտենհեմն» ընդունել էր առաջատար «Չելսիին»։
Լոնդոնյան դերբիում ավելի ուժեղ գտնվեցին դաշտի տերերը՝ երկու անպատասխան գնդակ ուղարկելով առաջնության լավագույն պաշտպանությունն ունեցող թիմի դարպասը։ «Տոտտենհեմի» երկու գոլերն էլ Քրիստիան Էրիկսենի փոխանցումից հետո գլխով խփեց Դելե Ալին։
Այս հաղթանակից հետո Մաուրիսիո Պոչետինոյի թիմը՝ վաստակած 42 միավորով բարձրացավ 3-րդ հորիզոնական։
Գոլեր․ Ալի՝ 45ր, 54ր։
