«Չելսիի» հարձակվող Ֆերնանդո Տորրեսը հայտնել է, որ լավ հարաբերություններ է պահպանում թիմում իր մրցակիցների հետ` ի դեմս Սամուել Էտո’Օյի և Դեմբա Բայի:
Ակնհայտ է, որ «կապույտների» հիմնական կազմում տեղ գտնելու համար մեծ է մրցակցությունը, և այս եռյակից միայն մեկը կարող է այնտեղ հայտնվել: Սակայն Տորրեսը վստահ է, որ դրա համար հարձակվողների մեջ խռովություն չի լինի:
-Այո, այժմ թիմի հարձակման գծում մեծ է մրցակցությունը, սակայն ես, Դեմբան և Սամուելն ընկերներ ենք, ոչ թե թշնամիներ: Մենք խաղընկերներ ենք և պայքարում ենք նույն նպատակի համար: Ես կարծում եմ, որ դա թիմին օգուտ կբերի:
Էտո’Օն լավագույն հարձակվողներից մեկն է, ում ես երբևէ տեսել եմ: Ես նրա դեմ Իսպանիայում եմ խաղացել, և դուք կարող եք նայել նրա վիճակագրությանը «Մալյորկայում», «Բարսելոնայում» և նաև «Ինտերում»:
Ես վստահ եմ, որ նրան դուր կգա «Չելսիում»: Նա ջանասիրաբար է աշխատում, ես նրան լավագույնն եմ մաղթում և կփորձեմ օգնել, ինչով կկարողանամ,- Ֆերնանդոյի խոսքերն է մեջբերում Sky Spots-ը:
