«Մանչեսթեր Սիթիի» հարձակվող Սերխիո Ագուերոն կարծում է, որ «Մանչեսթեր Յունայթեդի» նկատմամբ տարած վստահ հաղթանակն ամբողջ թիմի արժանիքն է:
Երեկ «Սիթի օֆ Մանչեսթերում» «քաղաքայինները» խոշոր հաշվով հաղթանակ տարան իրենց հարևանների նկատմամբ: Դուբլ ձևակերպած Ագուերոն կարծում է, որ պետք չէ այդ խաղում հերոսներ փնտրել և մի քանի ֆուտբոլիստների առանձնացնել. ամբողջ թիմը պայքարեց այդ հաղթանակի համար:
-Կարևորն այն է, որ գոլերն ապահովեցին մեր հաղթանակը: Ես շատ ուրախ եմ, որ մենք երեք կարևոր միավորներ վաստակեցինք` այն էլ «Յունայթեդի» դեմ խաղում:
-Ամբողջ թիմը գերազանց խաղաց` ներառյալ պաշտպանությունը: Մենք մեկ ընդհանուր թիմ ենք հանդիսանում, մենք չունենք անհատական հերոսներ: Մենք բոլորս ենք հերոսներ, անգամ պահեստային նստարանին նստած ֆուտբոլիստները: Ամենակարևորն այն է, որ մենք հաղթել ենք և ուրախ ենք դրա համար,- Ագուերոյի խոսքերն է մեջբերում Sky Sports-ը:
