«Բրայթոնի» կիսապաշտպան Ադամ Լալանան ստացել է իր առաջին մարզչական պաշտոնը՝ միանալով «ճայերի» ժամանակավոր մարզչական շտաբին:
Հինգշաբթի ավելի վաղ «Բրայթոնն» իր գլխավոր մարզիչ Գրեմ Փոթերին ճանապարհեց «Չելսի»՝ անմիջապես սկսելով նոր գլխավոր մարզիչ փնտրել:
Քանի դեռ Փոթերին փոխարինող չի գտնվել, մինչև 21 տարեկանների մարզիչ Էնդրյու Քրոֆթսը կգլխավորի «ճայերի» առաջին թիմը: Իսկ նրա օգնականը կդառնա 34-ամյա Լալանան։
Փաստորեն, Լալանան դառնում է խաղացող-մարզիչ և այս դերում իր դեբյուտը կկատարի «Բորնմուտի» դեմ առաջիկա խաղին:
Հավելենք, որ այս մրցաշրջանում Ադամը երեք խաղում հայտնվեց «Բրայթոնի»մեկնարկային կազմում Պրեմիեր լիգայի շրջանակներում։
