«Լիվերպուլի» նախկին կիսապաշտպան Ալեքս Օքսլեյդ-Չեմբերլենը կարիերան շարունակելու երեք տարբերակ ունի։
Հիշեցնենք, որ «Լիվերպուլը» ավելի վաղ հաստատել էր, որ չի երկարաձգելու Օքսլեյդ-Չեմբերլենի հետ հունիսին ավարտվող պայմանագիրը, ինչի արդյունքում Ալեքսը ազատ գործակալի կարգավիճակով հեռացավ մերսիսայդյան ակումբից։
Ձախողվելով «Լիվերպուլի» կազմում՝ Օքսլեյդ-Չեմբերլենը դեռ մեծ ժողովրդականություն է վայելում, և դա գրավում է Սաուդյան Արաբիայի ակումբներին:
Ալեքսին ցանկանում է ձեռք բերել նաև թուրքական «Բեշիքթաշը», որը, ըստ Daily Mirror-ի, պատրաստ է 29 ամյա անգլիացուն դարձնել իրենց ակումբի ամենաբարձր վարձատրվող խաղացողը։
Ի վերջո, եթե Օքսլեյդ-Չեմբերլենը ցանկանում է մնալ Պրեմիեր լիգայում, ապա «Բրենտֆորդը» պատրաստ է «Արսենալի» նախկին խաղացողին մեկ տարվա պայմանագիր առաջարկել:
Օքսլեյդ-Չեմբերլենը դեռ չի կատարել իր ընտրությունը, բայց նա զգում է, որ լավ ֆիզիկական մարզավիճակում է և դեռևս չի ասել իր վերջին խոսքը բարձր մակարդակում:
