«Լիվերպուլի» հարձակվող Ռոբերտո Ֆիրմինոն հայտնվել է Դուբայի «Ալ-Նասրի» թիրախում:
Ինչպես հայտնի է, Ֆիրմինոյի պայմանագիրը «Լիվերպուլի» հետ ավարտվում է այս մրցաշրջանի ավարտին։ «Կարմիրների» գլխավոր մարզիչ Յուրգեն Կլոպն ընդհանրապես չի ցանկանում կորցնել Ռոբերտոյին։
Ըստ լուրերի՝ «Լիվերպուլն» արդեն առաջարկ է արել Ֆիրմինոյին՝ երկարաձգել համագործակցությունը։ Սակայն Ռոբերտոն դեռ նոր պայամանագիր չի կնքել, ինչը նշանակում է, որ հունվարից նա ազատորեն կարող է շփվել արտասահմանյան ակումբների հետ։
Ինչպես հայտնում է Daily Mirror-ը, Ֆիրմինոն այժմ դարձել է «Ալ-Նասրի» թիրախը, որը պատրաստ է հսկայական աշխատավարձով 31 ամյա բրազիլացուն ներքաշել Դուբայ:
Մինչ Ֆիրմինոն փայլուն մրցաշրջան է անցկացնում՝ խփելով 7 գոլ Պրեմիեր լիգայի 13 հանդիպումներում, Ռոբերտոյի երկարաժամկետ հեռանկարները «Լիվերպուլում» մշուշոտ են թվում Դարվին Նունեսի, Դիոգու Ժոտայի, Լուիս Դիասի և այլ մրցակիցների հետ:
