Դևիդ Մոյեսը, ամենայն հավանականությամբ, կհեռանա «Վեստ Հեմի» գլխավոր մարզչի պաշտոնից այս ամառ, անկախ նրանից, թե ինչպես կավարտվի այս մրցաշրջանը:
«Վեստ Հեմը» անցած ամառ մի շարք խոշոր ձեռքբերումներ կատարեց, այդ թվում՝ հարձակվող Ջանլուկա Սկամական, սակայն «մուրճերը» այս մրցաշրջանում հայտնվել են Պրեմիեր լիգայի գոյատևման համար պայքարում:
Այս պահին «Վեստ Հեմը» չորս միավորով բարձր է անկման գոտուց և ունի մեկ հանդիպում պակաս, սակայն եթե անգամ «մուրճերը» խուսափեն Չեմպիոնշիփ անկումից, դա դժվար թե փրկի Մոյեսին:
Ինչպես հայտնում է Daily Mail-ը, լոնդոնյան ակումբի ղեկավարներն արդեն սկսել են Մոյեսին փոխարինող գտնելու գործընթացը՝ նայելով Գրեհեմ Փոթերին, Բրենդան Ռոջերսին, Ուիլ Սթիլին և Պաուլո Ֆոնսեկային:
