Համաձայն BBC-ի , ՖԻՖԱ-ի հավաքականների նոր թարմեցված վարկանշային աղյուսակում Անգլիայի հավաքականը նահանջել է 15-րդ տեղ:
Սա 2008թ-ից ի վեր «երեք առյուծների» ամենացածր ցուցանիշն է, որն էլ Եվրո 2008 թ-ին ուղեգիր ձեռք չբերելու արդյունքն էր:
Վեց հորիզոնականով նահանջելը նշանակում է, որ անգլիացիները հետ են մնացել այնպիսի հավաքականներից, ինչպիսիք են Բոսնիա և Հերցեգովինան, Կոտ Դ’Իվուարը և Հունաստանը:
Հավելենք, որ 2012թ-ի օգոստոսին Ռոյ Հոջսոնի թիմը 3-րդ տեղում էր: Ներկա անկումը կարելի է կապել Իռլանդիայի և Բրազիլիայի հավաքականների դեմ խաղերի արդյունքների հետ:
