«Տոտտենհեմի» պաշտպան Քրիստիան Ռոմերոն իր դիրքում նշել է ԱՊԼ-ի երկու լավագույն խաղացողներին։
Չնայած այս մրցաշրջանում Վիրջիլ վան Դեյկի ակնհայտ անկմանը, Ռոմերոն դեռևս «Լիվերպուլի» փոխավագին համարում է Պրեմիեր լիգայի լավագույն պաշտպանը։
Ռոմերոն Վան Դեյկի հետ անսպասելիորեն դասում է Արգենտինայի իր թիմակից Լիսանդրո Մարտինեսին, ով նոր է միացել «Մանչեսթեր Յունայթեդին»:
«Հին ժամանակներում ես միշտ հաճույքով դիտում էի «Բարսելոնային», քանի որ սիրում էի Կարլես Պույոլին, Ժերար Պիկեին և Խավիեր Մասկերանոյին, երբ նրանք խաղում էին այնտեղ: Այդ թիմը հիանալի էր խաղում»:
«Այսօր, իմ կարծիքով, լավագույն պաշտպաններն են Վիրջիլ Վան Դեյկը, ինչպես միշտ, և Լիսանդրո Մարտինեսը «Մանչեսթեր Յունայթեդից»: Իմ կարծիքով, նրանք լավագույնն են Պրեմիեր լիգայում»,- ասել է Ռոմերոն Sky Sports-ին տված հարցազրույցում:
