«Աստոն Վիլլան» ավարտին հասցրեց «Միդլսբրոյի» եզրային Մորգան Ռոջերսի տրանսֆերը:
Ավելի վաղ տրանսֆերային պատուհանի ընթացքում «Միդլսբրոն» մերժել էր Ռոջերսի համար «Վիլլայի» երեք առաջարկ, սակայն բիրմինգհեմյան ակումբը համառեց և ի վերջո կարողացավ հասնել իր ուզածին:
Ինչպես հաղորդում է BBC-ն, Ռոջերսի համար «Միդլսբրոն» երաշխավորված է ստանալու 8 միլիոն ֆունտ, իսկ բոնուսների շնորհիվ 21 ամյա անգլիացու համար փոխհատուցումը կարող է հասնել 15 միլիոն ֆունտի:
Ռոջերսի համար «Միդլսբրոյի» ստացած զուտ շահույթի 25%-ը բաժին կհասնի «Մանչեսթեր Սիթիին», որից «Միդլսբրոն» անցյալ ամառ 1,5 մլն ֆունտով գնեց Մորգանին։
«Միդլսբրոյում» անցկացրած կես մրցաշրջանում Ռոջերսը 7 գոլի և 9 գոլային փոխանցման հեղինակ է դարձել՝ Մայքլ Կարրիկի թիմում մասնակցելով 33 խաղի։
Հավելենք, որ Ռոջերսը «Սիթիի» կազմում ոչ մի պաշտոնական հանդիպում չի անցկացրել, միայն վարձավճարով գործուղղվել է «Լինկոլն», «Բլեքփուլ» և «Բորնմուտ»:
