«Արսենալը» բանավոր համաձայնության է եկել «Այաքսի» հետ՝ պաշտպան Յուրիեն Թիմբերին ձեռք բերելու շուրջ:
Անցյալ շաբաթ «Այաքսը» մերժեց «Արսենալի» կատարած մեկնարկային առաջարկը Թիմբերի համար, որում «զինագործները» պարտավորվում էին վճարել 30 միլիոն ֆունտ, իսկ հոլանդական ակումբը 22 ամյա հոլանդացու տրանսֆերային արժեքը գնահատում է 50 միլիոն ֆունտ ստերլինգ:
Ինչպես հայտնում է Daily Mail-ը, չնայած այդ անհամաձայնությանը, երկու ակումբները շարունակել են բանակցությունները և կարողացել են համաձայնության գալ 36,5 միլիոն ֆունտ ստերլինգի շուրջ: Հետագայում, բոնուսների շնորհիվ, Թիմբերի համար փոխհատուցումը կարող է հասնել մինչև 40,5 միլիոն ֆունտի:
Արդեն հաջորդ շաբաթ «Արսենալը» կսկսի նախամրցաշրջանային մարզումները։ «Զինագործները» հույս ունեն, որ այդ մարզումներին կմասնակցեն նաև Թիմբերը, «Չելսիից» տեղափոխված Կայ Հավերցը և «Վեստ Հեմի» ավագ Դեքլան Ռայսը:
