Պրեմիեր Լիգայի 15-րդ տուրի կենտրոնական հանդիպումը կայացավ Լոնդոնի «Էմիրեյթս» մարզադաշտում, ուր «Արսենալը» հյուրընկալել էր «Մանչեսթեր Յունայթեդին»։
Խաղն անցավ «զինագործների» տարածքային և խաղային զգալի առավելությամբ, չնայած գրանցված 1-3 արդյունքին։ Հանդիպման հաշիվը 4-րդ րոպեին բացեց Անտոնիո Վալենսիան։ 7 րոպե հետո Ջեսի Լինգարդը կրկնապատկեց իր թիմի առավելությունը, իսկ երկրորդ խաղակեսում անգլիացին դարձավ նաև դուբլի հեղինակ։
«Արսենալի» միակ գոլը 49-րդ րոպեին խփեց Ալեքսանդր Լակազետը։ Այս հաղթանակից հետո «կարմիր սատանաները»՝ վաստակած 35 միավորով կշարունակեն պահպանել 2-րդ հորիզոնականը։
Գոլեր․ Վալենսիա՝ 4ր, Լինգարդ՝ 11ր, 63ր, Լակազետ՝ 49ր
Հեռացում․ Պոգբա՝ 74ր։
