«Արսենալի» գլխավոր մարզիչ Արսեն Վենգերը հայտնել է, որ իր թիմը կարող է պայքարել Չեմպիոնների Լիգայի ուղեգրի համար:
Շաբաթ օրը դժվարին հաղթանակ տանելով «Սանդերլենդի» նկատմամբ (0:1)` «Արսենալը» չորրորդ տեղում գտնվող «Տոտտենհեմ Հոտսպուրի» հետ միավորների տարբերությունը հասցրեց 4-ի: «Ազնվականները» Չեմպիոնների Լիգայի ուղեգրի համար կպայքարեն «Չելսիի», «Էվերթոնի» և «Տոտտենհեմի» հետ:
-Շաբաթ օրվա խաղը ցույց տվեց, որ մենք շարունակում ենք պայքարը: Ինձ դուր եկավ վերջին 20 րոպեն: Մեր մի քանի ֆուտբոլիստներ իրենց դիրքերում չէին խաղում, սակայն շատ օգնեց մեծ ցանկությունը,- ասել է Վենգերը: Sky Sports
