«Արսենալի» գլխավոր մարզիչ Արսեն Վենգերը նշել է, որ թիմը կորցրել է հնարավորությունը պայքարելու Անգլիայի չեմպիոնության համար:
-Ես դիտել եմ «Տոտտենհեմ»-«Մանչեսթեր Յունայթեդ» հանդիպումը և ամբողջ ընթացքում մտածել մեր և «Յունայթեդի» միջև եղած տարբերության մասին:
Մենք ֆանտաստիկ հնարավորություն ունեինք հաղթելու Պրեմիեր Լիգան այս մրցաշրջանում: Բայց այժմ «Յունայթեդին» հասնել հնարավոր չէ, նրանք անհասանելի են:
Մենք պետք է առաջատարին մոտ լինեինք: «Յունայթեդը» լրջորեն առաջ է անցել, սակայն անձեռնմխելի ակումբներ չկան: Դա կարող եմ հաստատ ասել:
Հիմա պետք է կենտրոնանանք այն բանի վրա, որպեսզի նվաճենք Չեմպիոնների Լիգայի ուղեգիր: Հեշտ չի լինելու այդ պայքարում: Խաղացողները պետք է ցույց տան իրենց լավագույն որակներն ու խառնվածքը:
Անցած մրցաշրջանում մենք բավականին հետ էինք, սակայն կարողացանք ավարտել մրցաշրջանը 3-րդ հորիզոնականում,- հայտնել է Վենգերը: Sky Sports
