«Նյուքասլ Յունայթեդի» կիսապաշտպան Հաթեմ Բեն Արֆան ամբողջությամբ լուծել է իր առողջական խնդիրները և այժմ պատրաստ է մասնակցել «Բենֆիկայի» հետ Եվրոպա Լիգայի 1/4 եզրափակչի պատասխան խաղին:
Հիշեցնենք, որ Բեն Արֆան «Անժիի» հետ խաղում վնասեց ծնկատակի ջիլը, որի պատճառով մինչ այժմ դաշտ չի վերադարձել: Խոսվում էր, որ վնասվածքը ֆրանսիացուն թույլ չի տա ընթացիկ մրցաշրջանում օգնել «կաչաղակներին»:
Սակայն Հաթեմը արագ անցավ ապաքինման փուլը և «Նյուքասլը» վաղը կարող է օգտվել իր առաջատարի օգնությունից:
-Հաթեմը շարք է վերադարձել: Նա կրկին մեզ հետ է: Դա ուղղակի հիանալի է,- ասել է «Նյուքասլի» գլխավոր մարզիչ Ալան Պարդյուն: ESPN
Բացի դա, Պարդյուն հայտնել է, որ վաղը իրենք, ամենայն հավանականությամբ, չեն կարողանա օգտվել Սթիվեն Թեյլորի ծառայություններից:
