Դորտմունդի «Բորուսիայի» գլխավոր մարզիչ Յուրգեն Կլոպը հայտնել է, որ այս ամռանն իրենք փորձել են «Մանչեսթեր Յունայթեդից» վերադարձնել կիսապաշտպան Շինջի Կագավային:
Տաղանդավոր փլեյմեյքերն ընդամենը մեկ տարի առաջ տեղափոխվեց «Օլդ Թրաֆորդ», սակայն այնտեղ չկարողացավ ցուցադրել այն խաղը, որին ընդունակ էր «Բորուսիայում»:
Չնայած անգլիական Պրեմիեր Լիգայում ոչ հաջող մեկնարկային մրցաշրջանին, Կագավան չի ցանկանում վերադառնալ Դորտմունդ: Առաջիկա մրցաշրջանն էլ ճապոնացին կանցկացնի «Յունայթեդի» կազմում:
-Այս տարի այդ հարցն այնքան էլ ակտուալ չէ: Մենք արդեն գիտենք, որ Շինջին ցանկանում է մնալ «Յունայթեդում»: Ես այլ պատասխան չէի էլ սպասում, սակայն մեկ անգամ պետք էր հարցնել,- ասել է Կլոպը: Sky Deutschland
