«Լիվերպուլի» գլխավոր մարզիչ Բրենդան Ռոջերսը «Արսենալին» մեղադրել է այն բանում, որ նրանք Սուարեսին գնելու համար «խաղ են խաղում»:
«Զինագործների» առաջարկած 40 մլն ֆունտ գումարը մերժվեց «Լիվերպուլի» կողմից: Ռոջերսը հայտնել է, որ չի ցանկանում վաճառել 26-ամյա ուրուգվայցուն:
-Ես ցանկանում եմ ասել, որ «Արսենալին» վերաբերվել եմ որպես բարձր մակարդակ ունեցող ակումբի, սակայն այս իրավիճակում նրանք ինչ որ խաղ են սկսել:
Չե որ մեզ պետք է առաջ գնալ և կատարել մեր աշխատանքը: Նրանք պետք է հասկանան մեր դիրքորոշումը: Հայտնի է, որ նրանք ունեն հետաքրքրություն և երկու առաջարկ արել են, սակայն մեր պատասխանը հստակ է եղել:
Ֆուտբոլում բոլոր ֆուտբոլիստների համար վաճառքի հարթակ գոյություն ունի, բայց մեր ուղերձը նույնն է. «մենք չենք վաճառում Սուարեսին»,- Ռոջերսի խոսքերն է մեջբերում Sky Sports-ը:
