«Լիվերպուլի» գլխավոր մարզիչ Բրենդան Ռոջերսը համամիտ է Սթիվեն Ջերարդի և Լուկաս Լեյվայի հետ: Մարզիչը նույնպես կարծում է, որ հենց Լուիս Սուարեսը պետք է ստանա Պրեմիեր Լիգայի լավագույն ֆուտբոլիստի կոչումը:
Ռոջերսի կարծիքով «կարմիրների» լավագույն ռմբարկուն, ով ճանաչվեց փետրվար ամսվա թիմի լավագույն ֆուտբոլիստ, ավելի է արժանի մրցաշրջանի լավագույն ֆուտբոլիստի կոչմանը, քան «Մանչեսթեր Յունայթեդի» հարձակվող Ռոբին Վան Պերսին և «Տոտտենհեմի» վինգեր Գարեթ Բեյլը:
-Սուարեսը ֆենոմենալ ֆուտբոլիստ է: Լուիսը մասնակցել է մեր բոլոր մարզումներին և խաղերին: Հիշեք երբ մենք խաղում էինք մեկ հարձակվողով: Նրա խաղը խոսում է նրա մասին: Պրեմիեր Լիգայում շատ են տաղանդավոր ֆուտբոլիստները, սակայն, իմ կարծիքով, նա անկրկնելի է,- Ռոջերսի խոսքերն է մեջբերում Sky Sports-ը:
