«Բրենթֆորդը» հայտարարեց «Սամպդորիայի» և Դանիայի հավաքականի հարձակվողական ոճի կիսապաշտպան Միկել Դամսգաարդին 16,7 միլիոն ֆունտով ձեռք բերելու մասին:
Դամսգարդը «Բրենթֆորդի» հետ պայմանագիր կնքեց մինչև 2027 թվականը և Թոմաս Ֆրանկի թիմում դարձավ իր հայրենակից Քրիստիան Էրիկսենի անմիջական փոխարինողը։
«Սամպդորիայի» կազմում Դամսգաարդը սկսեց հանդես գալ 2020թ ամառվանից։ Այս երկու տարիների ընթացքում նա մասնակցեց 49 հանդիպման։ Իսկ Դանիայի հավաքականի կազմում 22-ամյա փլեյմեյկերը մասնակցել է 16 հանդիպման, ներառյալ Եվրո 2020-ը։
Իր նոր ակումբի կազմում Միկելը կարող է իր նորամուտը նշել եկող տուրի «Մանչեսթեր Յունայթեդի» դեմ կայանալիք տնային հանդիպման ժամանակ։
