Դարպասապահ Դավիդ Դե Խեան ստիպված կլինի զգալի կրճատումներ կատարել «Մանչեսթեր Յունայթեդում» մնալու համար:
«Յունայթեդում» անցկացրած 11 տարիների ընթացքում Դե Դեան հինգ անգամ ճանաչվել է սեզոնի լավագույն խաղացող, այդ հինգ մրցանակներից վերջինը տրվել է մայիսին:
Դավիդն այս մրցաշրջանում նույնպես լավ է խաղացել՝ արժանանալով «կարմիր սատանաների» գլխավոր մարզիչ Էրիկ Տեն Հագի գովասանքին անցյալ տուրում «Վեստ Հեմի» նկատմամբ 1:0 հաշվով հաղթանակից հետո:
Այնուամենայնիվ, Դե Խեայի պայմանագիրը ավարտվում է այս մրցաշրջանի վերջում։ «Յունայթեդը» դեռևս չի առաջարկել Դավիդին նոր պայմանագիր և նույնիսկ չի օգտվել ընթացիկ գործարքը 12 ամսով ավտոմատ կերպով երկարաձգելու իրենց հնարավորությունից:
Ինչպես հայտնում է Daily Mirror-ը, Դե Խեայի աշխատավարձը բարձր է։ «Օլդ Թրաֆորդի» և ակումբի ղեկավարները պատրաստ չեն շարունակել 31-ամյա իսպանացուն շաբաթական 375 հազար ֆունտ վճարել:
Թե ինչպիսի աշխատավարձ է ընդունելի «Յունայթեդի» համար, չի նշվում, սակայն խոսքը նրա «էական կրճատման» մասին է։ Սա միակ ճանապարհն է, որով Դե Խեան կարող է նոր պայմանագիր ձեռք բերել։
