Դարպասապահ Դին Հենդերսոնը չի միանա «Մանչեսթեր Յունայթեդին» ԱՄՆ նախամրցաշրջանային շրջագայության ժամանակ:
Հենդերսոնը չկար այն 26 խաղացողների թվում, որոնք «Յունայթեդի» գլխավոր մարզիչ Էրիկ Տեն Հագի հետ ուղևորվեցին Օսլո՝ «Լիդսի» դեմ նախամրցաշրջանի առաջին հանդիպմանը:
Հենդերսոնը բաց կթողնի նաև «Յունայթեդի» նախամրցաշրջանային շրջագայությունը ԱՄՆ-ում, որտեղ «կարմիր սատանաները» կխաղան «Արսենալի», «Ռեքսեմի», Մադրիդի «Ռեալի» և Դորտմունդի «Բորուսիայի» դեմ, հայտնում է Sky Sports-ը:
Հենդերսոնի բացակայությունը խոսում է այն մասին, որ Դինը ամենայն հավանականությամբ կհեռանա ակումբից այս ամառ: 26 ամյա անգլիացին «Յունայթեդի» ամենալիկվիդային ակտիվներից է, որի շնորհիվ տրանսֆերային բյուջեն կարող է համալրվել։
Հենդերսոնի կարիերայի շարունակման գլխավոր ուղղությունը մնում է «Նոթինգհեմ Ֆորեստը», որտեղ Դինը վարձավճարով անցկացրեց 2022/23 մրցաշրջանը։
Սպասվում է, որ «Յունայթեդը» կթույլատրի Հենդերսոնին հեռանալ ակումբից, երբ կարողանա պայմանագիր կնքել «Ինտերի» դարպասապահ Անդրե Օնանայի հետ:
